أدب
بنام الليل
بنام الليل
أحمد عوده
بنام الليل وجفن العين
ما يغمض
وابات سهران ودقه قلبى
بتعيط
بتتالم
بتتوجع
بتتحصر
من الوجع اللي
بيكسر
ضلوع الفرح جوايا
والف حكايه وروايه
بتتفسر
قصاد عينى
واتارينى
ولا فهمتك يا دنيتنا
سرقت الفرح من بيتنا
وتاهت منا لمتنا
حيطان بيتنا
بتسالنى
حبايبى ليه يفارقونى
وبكوا قلبي
وعيوني
وانا اللي وهبتهم
روحي
سابونى فى همى
وجروحى
اكمل سكتى وحدى
وادارى فى حزنى
ما احكى
يمامه في بيتنا ربيتها
وهجرتني
وغابت عني في
المشوار
وهددت ليه
حيطان الدار
كده فجأه
عموما
سكتي ماشيه
ومركب عمرنا
راسيه
برغم أن الحياه
قاسيه
سنين الجرح
تتعوض
وجفني يهدي ويغمض