أدب
عادي جدا
عادي جدًا
سلوى صبح
عادي جدًا لما تقضي
كل عمرك مش سعيد
عادي جدًا..
عادي لما تشد عودك
تلقى كسرُه بألف إيد..
عادي جدًا..
عادي يعني لما ابقى واقفه
جنبك وانت في الأساس بعيد..
عادي جدًا ..
يبقى عادي كل شئ
بعد انهياره برده
يبدأ من جديد..
عادي جدًا..
كل شئ في الاصل ثابت
الا وضعك في الحياة
متغير بالتأكيد..
عادي جدًا..
لو شربت المر كاسك
ولا قطر الفرح داسك
من غير مواعيد..
عادي جدًا..
المهم إنك تحاول
تسترد حتى نفسك
لو قدرت ده مش أكيد..
عادي جدًا..
تنسى ذاتك وحكاياتك
كل وعد في يوم أخدته
أو وعيد..
عادي جدًا..
كل ده بالفرض جايز
راح ينقص حبة حبة
من الرصيد..
عادي جدًا..
المهم انك يا فندم
متحاولش في الزمن ده
تعيش سعيد
لأنه طبعًا مش أكيد