أدب
غربه
غربه
علاء احمد نصار
أنت عارف يعني أيه
لما تبقي لوحدك
رغم إن الكل جنبك
حتي ممكن حد منك
كنت فاكره يبقي ضامك
لأ ومتربع جوه قلبك
مهما تصرخ جوه نفسك
إستحالة يبقي سامعك
أنت ماسك لسه فيه
مره واحده هتلاقيه
الوجع من يمه جايلك
حتي لو قامت قيامتك
حتي لو كانت نهايتك
مستحيل هيحس بيه
معقول مره يميل
طب ممكن يشيل
الوجع عشان خاطرك
لأ فوق
أوعاك تبص لفوق
هو أنت سامع حد غيرك
حتي غيرك مش سامعلك
ما أنت عارف اللي فيها
كل ما تجيها تلاقيها
راحت لحد غيرك
سيبك أنت وعيش حياتك
حتي لو قفلت بابك
جوه نفسك حب نفسك
وأفرح لو الهم صابك
أضحك لو الحب فاتك