أدب
بلاش الفكر
كلمات الشاعر احمد جابر سويلم
وليه الدنيا شغلانه
وليه قلوبنا تعبانه
بلاش الفكر والحيره
بلاش قلة الحيله
تبات مهموم ومتعكر
فى شيل الهم واحزانه
ماتيجو نمشي بالحكمه
ونخلق مره لوفكره
وظيفه ليك ومش لاقى
وفاض صبرك من الخنقه
دواك معروف وليه جاهله
طريقه منين قوم روحله
فتحلك بابه وليه تاركه
بنادى عليك خمس
مرات مفيش مره
تلبى نداه لبيته وتروحله
عايش كسلان وهمك كمان شيله
ماترمى حمولك وقوم
جرب وصفى القلب والنيه
بلاش القهوه والشيشه
وسهرة ليل فى تحشيشه
بلاش ترمى اللوم على الدنيا
ولوم مره فى يوم نفسك