أدب
فى رحلة الاسراء
خالد المنصورى
عظه ومحبه ونور
شاف النبى استهزاء
فوهبه الاله سرور
*************
خفف هموم حبيبه
بهديتـــــه العظماء
ارسل جبريل يجيبه
ويقابله ف السماء
**************
أتى الملاك جبريل
ايقظ رسول الله
وف ساعه كان بالليل
خدو ع البراق وياه
****************
وصلوا هناك للقدس
صلى بالا نبياء
رحلته كانت درس
لو يفهموا الجهلاء
***************
جبريل عطاه شرابين
خمر ولبن يختار
شرب اللبن يازين
وللفطره كان مختار
****************
والخمر ده حرمه
وشاربه جزاءه النار
بالعقل الاله كرمه
وجعله من الاخيار
*****************
ركب النبى المعراج
طلع جبريل وياه
رجع لنا بمنهاج
خمس صلوات مهداه
*****************
عرج سبع سموات
ادم ف اول سما
شا فه وهداه سلامات
وليحيى وعيسى علا
******************
فى التالته يوسف بعديه
والرابعه ادريس ماحلاه
هارون وموسى عاليه
والسابعه خليل الله
******************
ولسدرة المنتهى
جبريل قاله اخترق
مشوارى معاك انتهى
وغيرك عبر احترق
*******************
تجلى له ربنا
وسلامات مع تحيات
وشاف هناك نبينا
اكبر واعظم ايات
*******************
رجع الرسول لفراشه
وساعتها كان دافى
فى ثوانى ولاحد شافه
والوقت كان كافى
*****************
من الاله معجزه
لرسول عظيم كريم
اياته كانت عظه
تدبر بقا يافهيم
خالد المنصوري مصر