الموال
الموال
حاج هلال
أنا مشغول فى موالى
وبيتى وأهلي وعيالي
وكان شغلي زمان بنا
طوبه مع طوبه طوالي
أساس وبيعلا في العالي
ولما الهم كبرنا
وقاعد بشتكي حالي
وببنى الكلمه مع كلمه
وبوزن كل أفعالى
كلامي بذمة مع همة
بتظبط كل أقوالي
بمونة بحنة معجونه
ولحظة حب. مكنونة
وكلمه حلوه وحنونه
وهي الكلمه بنيانى
بعقل وفكر رباني
ماتطلع مره مجنونه
ومن قلبى على لسانى
وقلبي في رصيد عندى
وليه يادنيا وخداني
وفاكره بس أحزاني
ومن حبى شاحن قلبى
وصوت الحق فيه عالى
لأن الحب رصيد عندي
وصوت الحب فيه عالي
وحبي من رضا ربي
عالم بكل أحوالي
وانا شغال فى موالى
معاشي وبيتي وعيالي
معاش لكن معاش فقري
وحال الناس مزعلني
ما حد حاسس بأحوالي
وانا والناس بنتمنى
تعود الفرحه من تاني
وتبقى الفرحه موالنا
ونرجع نبني للعالي
وتيجي يالفرحه على بابي
وننسى كل أحزانا
وانا شغال فى موالي
وهيه الكلمه بنياني
بقول الكلمه كام مره
وارددها وكام مره
وليه الخلق بالمره
بتنكرني ونسياني
وهابني الكلمه عالكلمه
وهاوزن كل أفعالي
ولو شوفت الحياه ضلمه
هاعيد الكرة من تاني
وانا شغال في موالي
وبيتي وأهلي واعيالي
وكان شغلي زمان بنا
طوبه فوق طوبه في العالي
……