أدب
يا دنيا
يا دنيا
ايمان رضوان
يا دنيا تعبت انا فيكي
ودايرة الف ف طاحونة
اشوف اية اللي يرضيكي
يقولوا عليه مجنونة
ولما ابعد واغيب عنك
واسيبك وامشي برجعلك
واشوف القسوة من أهلك
وأخف امشي يفوتنا
وبضحك وسط أحزاني
ومرك ياما غطاني
وضايعة ف ايدي عنواني
لكن ناسيه ومصدومة
سنيني عجاف مبتمرش
وحالي بجد مايصرش
واية فيكي اللي ميضرش
واعيش بالصبر موزونة
دموع وأنين وقلب حزين
وناس عايشين ومش حاسين
وناس تانين ف رمش العين
لكن غايبين وننسي إننا غالين
وكنا ازاي وباعونا
وكنا ازاي وباعونا