أدب
أنا روحك
أنـــا روحـــك
يســـــرا صقر
أنا بقعة ضى
وسط العتمة مدفونة
وطاقة حب
جوه القلب مركونة
وفكرة بتيجى على بالك
وترفضها
كنت فاكرها مجنونة
وإلهـامـك… وأوهـامـك
وأحلام بقت ذكرى
لكن بتضل أحلامـك
وحرف بيجى جنب الحرف
يتـربع
يكون جملة ف كلامــك
وهمسة يوم بتنطقهـا
شفايفك ليك
كانت ونـَسـك ف أيامـك
وراحة ليـك من الدنيـا
ولو ثانيــة
صفاء نفسك وسلامـــك
وأسـرارك وأفكــارك
وشمس طالعة ف نهــارك
ونبضة قلب
تحيى الحب
فتقتـل كل آلامك
وساكنـة فيك
بعيش جـواك
لكن بردو بعيدة هناك
وبمشى السكة قدامك
بسبـق خطوتك خطوة
أنورلك طريق ضلمة
ونورى بيجى من جوة
بصالحـك مهما مين لامـك