أدب
ما رح نترك هالديار
ما رح نترك هالديار
ملك الأصفر
فضيت كل جيوباتي
وعم تكتك من برداتي
مافي حطب ولا مازوت
وعما بترجف دياتي
……………
فتنا عا بيت الجيران
نفس الحالة يا إخوان
ما عندن نار بكانون
وكلو من بردو ضجران
……………
لا مصاري بإيدينا
ولا حطبة بتدفينا
خلصت المونة بالبيت
والله يعوض علينا
……………
ولسا عم تغلا الأسعار
سعر الخضرا صاير نار
والخبز بحجم صغير
وكل مالو بيغلا الدولار
…….
مهما جرى ومهما صار
ما رح نترك هالديار
رح ننهض متل التنين
ورح نبعد عنا الإعصار
رح نبقى متل الحديد
كف بكف وإيد بإيد
كلنا بالوطن إخوان
منبني وطنا من جديد