ال إدريس اول من اطلق شفرة انتصار اكتوبر

مقالات  / علاء ابو إدريس
(( ساع اوى – اوشريا – جوم – أوسكو))
و معناها الساعة ٢ استعدوا للتحرك و الضرب
دى كلمات الشفرة اللى نقلت أمر العبور على جبهات القتال يوم السادس من أكتوبر
و اللى فى الصورة ده عم أحمد إدريس من ضمن بطون ال إدريس النوبيين اللى كان ساعتها جندى و اقترح إن تكون اللغة النوبية هى لغة الشفرة اللى تستخدم خلال الحرب
النوبيين عندهم لغتين مختلفتين فى الكلام لغة تخص نوبيين الفاديجة و لغة تخص نوبيين الكنوز
الجندى احمد إدريس كون فرقة من النوبيين و قسمهم نصفين كل نصف يجيد التحدث باللغتين بحيث يكون الارسال بلغة و الرد باللغة التانية
بعد الحرب تم تكريمه و حصل على نجمة سيناء
لكن بعد كده ذهب ذكره فى طى النسيان مثل كثيرين
تذكروهم فهم اصحاب النصر الحقيقين