الناس معادن

بقلم ا/ شحته سعفان
**********
الناس معادن يا ولدى ووقت الشدة بتبان.
فيهم الأصيل وفيهم الخسيس ناكر العرفان.
تعلم الدرس يا ولدى واحذر بقه من الجبان.
والأصيل يشيلك ويقف جنبك حتى لو غرقان.
وطبع الأصيل غالب ولا يوم يبقى لك منان .
والخسيس يلف ويدور ويهرب من الشجعان .
ويجيبلك ألف علة وعلة ويمكن يطلعك مدان .
آه يا زمان العبر آلاقى فين ياترى الفرسان؟
آه يا زمان العبر ألاقى فين ياترى الشجعان ؟
قليل الأصل زى الحرباية كل وظيفته الألوان .
أما الأصيل يا ولدى ثابت ملوش فى الألوان .
خدها منى نصيحة وانأى بنفسك عن الألوان .
هذى رسالتى إليك وأتمنى أن تكون فهمان .
والعقل زينة يا ولدى وإياك أن تلدغ مرتان .