أدب
العدو دمر بلادي
العدو دمر بلادي
الرفاعي الحداد
يللي بتقولوا السلام
كل عيلتي ماتوا قصادي
و الضحايا تحت الركام
….
كنت بصرخ إلحقونا
يا عرب فين ؟! انقذونا
حسوا بينا و اسمعونا
هدموا بيتنا و فين انام؟!
….
امتي هيفوق البشر ؟!
واحنا بنواجه الخطر ؟!
القلوب صبحت حجر !
يعني مش فارق كلام !
….
فين الشهامة يا عرب ؟!
والنخوة فين و الغضب؟!
حالكم بجد اصبح عجب!
بعتوا دمي صحيح بكام؟!
….
سيبتونا بنعاني الجراح
و العرض منا مستباح
لكن فجر النصر لاح
ترجع لي أسراب الحمام
….