انا تعبت والله من كلمة ” بيقولوا ” … فكرونى بحكاية جحا وابنه والحمار … شكلى كده هبتدى ادور على حد يقدر يشيل الحمار معايا … بتضحكوا طبعا … لا اكيد انتم عارفين إنى مش هعمل كده … لكن الحال بأااااه غريب جدااااااااا …
بيقولوا ما تسيبوش الهدوم اللى مش نظيفة ” سبت الغسيل ” فى الحمام … لا وكمان نفس الهدوم دى اللى عايزة تتغسل اوعوا تسيبوها فى اوضة النوم علشان الطاقة السلبية … وانا من موقعى هذا … بفكر اما اعمل ركن للهدوم دى فى الريسبشن أو اجيب هدوم من اللى بتتلبس مرة واحدة وارميها بعد كده …
بيقولوا للستات اوعى تحطى شنطتك على الأرض … احسن تفتقرى … والحقيقة اصابنا ” بعض ” الفقر من حال الجنيه مش من الشنطة على الأرض …
بيقولوا ان الناس مش بتحب تشوف تراب فى البيت أو على الترابيزات … ده الست بتبقى ماسحة الترابيزة ولسه الفوطة فى ايدها تلاقى التراب ” العشرى ” جدااااااااا رجع على الترابيزة من تانى لدرجة انها ممكن تكتب اسمها على الترابيزة … انا الحقيقة لما حد بيجيلى أو اروح أزور حد ويعتذر عن التراب بضحك
” كلنا هذا الرجل ” … انا باقول انا مش شايفة حاجة … بالمناسبة دى شوفت حاجة ونسيت اسجلها … بيقولوا فيها ان الانسان خلق من طين وبالتالى ممكن التراب اللى جه عندنا ده … ممكن يعنى كان فى يوم من الأيام انسان فمش لازم نمسحه … شكرا على الأفكار المرعبة دى … بيقولوا ” جوزك على ما تعوديه ” … بلاش تهريج يا جماعة … طبعا اللى اتجوزا خلاص ” الفأس وقعت فى الرأس ” الكلام ده متأخر جدااااااااا … الكلام ده للى مقبلين بأااااه عل الجواز … بقية المثل بيقول ايه
” وابنك على ما تربيه ” … هو ده الكلام المظبوط … قبل ما ما توافقى على الجواز روحى اقعدي مع أمه … الست اللى كبرت وربت … هى اصل الحكاية كلها … هتعرفى على طول نوعية الراجل اللى هتتجوزيه … ويجوز كمان تطبيق الفكرة دى علي ام البنات …
بيقولوا بلاش حوض المطبخ يبقى جنب البوتاجاز علشان ده بيعمل مشاكل بين الأزواج … هو بصراحة انا ضحكت … لكن برضه احتياطى انا من موقعى هذا … بناشد المهندسين وهما بيصمموا البيوت الجديدة يأخذوا بالهم … حفاظا على العلاقات الأسرية … علما ان المطابخ فى معظم الشقق متر فى متر ونص …
هما الحقيقة ” بيقولوا ” حاجات كتيييييير … بدون اى سند علمى … بيفتوا ويؤكدوا حاجات فى علوم الطب والفلك والصيدلة وأشياء اخري … واحنا فى ناس منا بتصدق … وساعات بتصيب وساعات بتخيب … لكن افتكرت هما بيقولوا كمان … اول كل شهر حطوا شوية قرفة على كف الايد وافتحوا باب الشقة واقفوا من بره الباب وانفخوا القرفة فى اتجاه داخل الشقة … وربنا هيفتح عليكم ويرزقكم ويبعد عنكم كل شر … قولوا آمين من قلبكم …
أقرأ التالي
2025-02-07
محافظ المنيا يقدم واجب العزاء فى وفاة الأنبا اغابيوس
2025-02-06
«علموا أولادكم أيها السادة» ..انها مصر أرض الكنانة ناصرة الديانة حاملة التاريخ بأمانة
2025-02-06
رياضة كفر الشيخ: التصفيات التمهيدية لدورى الأندية الصغيرة والأحياء الشعبية بسيدى غازى
2025-02-06
صعود فريق كفر مجر للتصفيات النهائية على مستوى المحافظة بدورى الأندية الصغيرة والأحياء الشعبية بكفر الشيخ
2025-02-06
محافظ قنا يفتتح “سوق اليوم الواحد” لتوفير السلع الغذائية بنجع حمادي
2025-02-06
محافظ قنا يفاجئ مخبزًا بلديًا بنجع حمادي والمواطنون يشيدون بجودة الخبز
2025-02-06
محافظ قنا يعتمد نتيجة الشهادة الاعدادية بنسبة نجاح بلغت 69.52 %
2025-02-06
مشيرة موسى تكتب ” استرنا يا رب “
2025-02-06
تعليم الأقصر يستعد لتدشين مبادرة المحاضرات الدراسية لطلاب الثانوية العامة
2025-02-06
رئيس مركز بنى مزار تتابع انطلاق الحملة القومية لتحصين الماشية ضد الحمى القلاعية بقرية الخواجة بالمنيا
زر الذهاب إلى الأعلى