صَدَقـيـنـِى

 صَدَقـيـنـِى

يسرا صقر

صـَدقـيـنـِى …
مهـما صـار شعـرِك بلون
الـورد لأبـيـض
هـتفـضلِى أجـَمـَل ف عينـِى

صدقـيـنـِى …
لـونـِك البهـتـان هـيفـضَل
هـو لـونـى المـُفـضَــل
والعـيـون الـدبـلانـيـن
يبقـوا دول عِـشـرة سنـيـنـِى

صدقـينـِى …
كـل خـط فـوق جـبـيــنـِك
بـتـهـربـِى مـنــه بعـيـنـِك
وتستـخـبـى
جـُوه هِـنـا محفـور ف قـلبـِى
بيـقـرَب .. بيـنـِـك و بيــنـِى

صدقــينـِى …
مش حكايــة …
لو نسيتـِى عيد ميلادى
يكفـيـنى إنـِك معايــا
أغلى من كل الهـدايــا
إللـى تِجـينـِى …
لـيه مش راضية تفـهمـيـنـِى

صدقـينـِى …
مهـمـا إتغـيَـرِت ملامحـِك
وقولتـلِك بقـيـتـِى أجـمـَـل
مش هـسـامحـِك
لو فِضلـتـِى تكـدبيـنـِى

صدقـينـِى …
كـل الكـُـون شايـفـُه ف عـُيـونـِك
شـيـلى مـن قـلـبـِك ظُنــونـِك
وإوعـدينـِى …
إنـِـك أبــدًا مـا تـسبـيـنـِى