باب تفسير الأحلام ، أحلام الثامن والعشرون من أغسطس

بورسعيد / رشا شطا

يسعدنا أن نقدم لكم اليوم المفسرة الواعدة رشا شطا
للتواصل وتقديم أحلامكم عبر الجروب التالي :
https://www.facebook.com/groups/609473095904416/
وها هي بعض التفسيرات لأحلام الثامن والعشرون من أغسطس
…..(الحلم الاول).
حلمت ان انا وصحبتي كنا ف مكان واسع وكان زحمه جدا وفيه ناس كتيره ، وكان فيه زي البيسين كدا ، بس لونه اخضر غامق ، وان لما نزلنا فيه انا وصحبتي ، انا كان معايا طفل..بيبي صغير ، بنت ، وكان شكلها جميل وكانت معايا انا ، وصحبتي دي لما نزلنا الي شبه البيسين دا ، انا كنت شبه بغرق بالنونو ، ودخل ف بوقي من المايه دي ، وصحبتي قالتلي طالما شربتي منها هيبقي هتموتي ، 
انسه ، 16 سنه ، حالتي الصحيه كويسه ، و صحبتي زي بردو ( علاقتي بصحبتي دي كويسه جدا الحمد لله ).
….(تفسير الحلم الاول).
سيرزقك الله الصلاح في دنياتك ولكن يوجد بعض تعقيد في الامور ولكن ستنجو بإذن الله انتي وصديقتك لطريق السليم.

…..(الحلم الثاني).
حلمت خير والصلاه على النبي أن طليق صاحبتي بيتصل بيا في التلفون وكان الرقم اللي ظهر اسم واحد عربي وقالي انا بابه لي لي اللي هي بنتها وكنت بساءلك علي اسم شارع كويس ولا لا عشان احجز لبنتي شقه في كومبوند قولتله انا معرفوش قالي ازاي دي مي قالتلي أن ليكو شقه هناك فهي اخدت التلفون منه وقالتلي انا قصدي الشارع اللي جنب شقتكم قولتلها انتي ليه معاه قالتلي عشان خاطر لي لي وبعدين لقيت نفسنا انا وهي عندنا امتحان و هي طلبت قلم عشان تكتب بيه من واحده زميلتنا كانت قاعده ورايا فادتها قلم وحش ومكسر فقعدت انا ادور علي قلم في شنطتي عشان ادهولها لقيت أقلام كتير فمدت أيدي طلع في أيدي قلم اسود وشيك اوي من جماله كنت منبهرة بيه وادتهولها تكتب بيه (انا متجوزه وعندي ولد وهي منفصلة وعندها بنت وخطوبه دلوقت لواحد تاني)
…..(تفسير الحلم الثاني).
اعانكي الله دائما ع مساعده صديقتك والوقوف بجانبها صديقتك ليست سعيده بفراق والد ابنتها سيحدث امور مايمكن تواقعها ربما الرجوع الي طليقها او التفاهم بينهم في النهايه بمساندتك لصيديقتك ستوصل لبر الامان والنجاح لماتتمناه بإذن الله.

…..(الحلم الثالث).
السلام عليكم 
حلمت اني هناك شي ما غارق في المياه وكنت اريد ان اعرف ما هو فركبت زورق وذهبت للمكان وحاولت كثيرا اخراجه ثم خرج مت الماء لاجد انه لوح من الخشب وقد صدمت لذلك وقلت لاخي انه مجرد لوح خشب 
مطلقة لدي اطفال لا اعمل.
…..(تفسير الحلم الثالث).
واضح انكي امرآه لاتعرف الاستسلام دائما تجادلين وتحاولين الوصول الي مايؤمن خوفك وتعتقدين انكي ع مشارف الوصول الي الخير والسعاده ولكن للآسف تتفاجئ بعكس ذلك ولكن دائما الامل موجود .

…..(الحلم الرابع).
انا حلمت ان نينتي ميتة علي ديسك ف فصل ف مدرسة مهجورة وانا وخاﻻتي وعيالهم معاها وماما بتقول امي ورمت عشان مدفنهاش وبعدين ﻻقيت نبنة صحت من الموت ورقبتها متضخمة فانا قعدت اصوت جامد وخوفت وبعدين مرات خالي كانت قاعدة بتقولي مين اخد الهون قولتلها بنتها هدي فسكتت كده وبعدين ﻻقيت ماما بتتكلم ف الفون بتقول لنينة معقول ياماما دعوة من 50 سنة هتتحقق اﻻيام دي وبتبص ع مرات خالي مع العلم ف الحقيقة نينتي اصﻻ ميتة وكان في مشاكل مع مرات خالي ومبيتكلموش وخالتي هدي فعﻻ هي اللي خدت الهون والعﻻقة بين مرات خالي وخالتي دي مقطوعة الحلم بعد الفجر ومكنش استحارة وخالتي معندهاش اوﻻد وماما عندها 3 بنتين وولد ومرات خالي عندها 5 عيال.
…..(تفسير الحلم الرابع).
الحلم دليل ع ميراث او مال لم يتم الحصول عليه بطريقه سليمه وسيتحقق ذلك سيحيا امر مر عليه فتره طويله من الزمن واتمني من الله حل للمشاكل العائليه حتي تسير الامور ع خير.

…..(الحلم الخامس)
واحد بحبة انا انسة ولا اعمل وفية مشاكل معة وانا مسلمة حلمت بية جالى ف هيئة مومية شكلة وحش وراسة مفتوحة واعمى وانا بشاورلة ومش عارفنى وقعدت جمة لمستة جسمنا قشعر وكأن حد من اهلى جايبة عشان يعالج طفل ويقرا علية وظهرلى عريان دخل عشة ولبس هدوم شكلها غريب عشان يلفت انتباهى وقالى هنصلى العيد وهناكل مع بعض وانا كأنى عاوزة اقولة ان بصلى ف مسجد معين انا بحب اصلى فية.
…..(تفسير الحلم الخامس).
سيمر بمشكله كبيره سيخسر فيها الكثير ولا يستطيع التغلب ع اعدائه انتي الوحيده بنسباله تعني اليه الكثير ولكن تخذليه احيانا.
…..(الحلم السادس)
خالتي حلملتلي اننا بنكنس بيت قديم مليان رمل وفضلنا نكنس وشافت ساعة جميلة ادتهالي قالتلي خديها قبل ما حد ياخدها وقالتلي لو مش هتاخديها اديهاني بس انا خدتها خالتي متجوزة زمعاها بنتين وولد وانا انسة لسه مش مخطوبة وعﻻقتنا كويسة اووي ببعض ومكنش استخارة.
…..(تفسير الحلم السادس).
ستزول جميع همومكم ومشاكل عائليه ستحل وسيرزقك الله بخير بإذن الله.

…..(الحلم السابع)
صاحبتى حلمت انها مع جوزها فى مكان فيه رجالة قاعدين مكان عادى وفى ست واحدة بس وهى صاحبتها فى الشغل بس كانت قاعدة بعيد فى اخر الصف وجوز صاحبتى كان فى بداية الصف حنب الرجالة وفجاء صاحبتى لقت جوزها كانه مضايق من بنطلونه شوية وخانق علية راح نزله من علية شوية وكشف عورته بس هو كان قاعد فى اعتقاده انه فى امان محدش شايفى وخصوصا انه كلن معتقد ان مفيش ستات مكنش شايف الست فى اخر الصف بس صاحبتى شافته كده وعورته مكشوفة قالت فى نفسها هو ليه عامل كده هو مش شايف الست دى وفجاء حاست انها كمان عندها عضو ذكرى بس صغير زى الاطفال بس كانت مستورة ومدارية نفسها ومكنتش مضايقة من نفسها كده استغربت بس وهى فى الحقيقة على قد ما هى زعلانة منه بس بتدعيله بالاصلاح وبتعينه على الطاعة هى عندها ولد وزوجها فى بداية التزام بصلاة واصلاح بس كان فى من فترة بعض المشاكل العائلية والنفوس لسة مش صافية من نحيتها وفى الحلم فعلا الناس الا كانت موجودة محدش بص عليه خالص كانه مفيش حاجة مراته بس الا كانت قاعدة بعيد شوية وكانت شيفاه بس مكلمتوش فى حاجة

وزوجها كان قاعد مرتاح مش مضايق وهادى لانه كان عارف انه مدارى عن الموجودين وهو فى بداية التزام فى صلاة بعد ازمة عائلية كبيرة.
…..(تفسير الحلم السابع).
دليل ع هدوء العلاقه والالتزام فعلا في الصلاه والصلاح الديني وزياده في رزقهم بإذن الله.

…..(الحلم الثامن).
حلمت انى كنت بصلى العشا وكان حوليا دوشة كتير ودخلت وخرجت فى الصلاة مرتين كل مرة كنت بخرج كنت بسلم ومقدرتش
اصلى ودخلت نمت من غير مااصلى ..آنسة كنت مخطوبة.
…..(تفسير الحلم الثامن).
دائما امور حياتك ينقصها شيء ولم تكتمل تمرين بوقت عصيب ونفسيه مجهده اعيدي ترتيب امورك حتي تكتمل فرحتك وابتعدي عن اشخاص هم السبب فعدم اكتمال الكثير من امورك.

…..(الحلم التاسع).
ماما حلمت انها فمكان ضلمه وكانت تيتا قاعده بتبيع خضار وعمتو كانت جيه ولبسه اسود ووشها شكله تعبان ورفيعه جدا وبتتكلم مع تيتاوماما اشترت من تيتا ٢كيلو خيار هي قلتلها ب ٥ ج فماما قلت مش مشكله انا كنت شرياه ب ٤.٥ج وكان في تلات روس كرنب وماما كانت عايزه تاخد منهم واحده عشان تخفض السكر بس مخدتش منهم

علقتنا بيهم عاديه بس همامش بتمنولنا الخير فلاغلب يعني.
…..(تفسير الحلم التاسع).
عمتك بتمر بضيق وكرب شديد لايآتيكم خير من ناحيتهم الا وله مقابل سترزق ولدتك بخير ورزق ان شاء الله.
…..(الحلم العاشر).
حلمت اني ف فندق بيبص ع البحر بس فاصل بينا وبين البحر حفره فيها عمال بيحفرو فيها وكنت انا واختي وخالتي ونينتي واولاد خالتي وامي الله يرحمها فاختي قالتلي انا هروح اتمشي تعالي معايا روحت معاها وهي كانت عايزه تعدي من ع الحفره فعدت بصعووبه وانا وانا بعدي رجلي كدا انزحلقت حبه وبعدين طلعت رحنا كدا مكان ف بحر وضلمه وزي مايكون بتيجي سفينه كبيره شيه بتاعت تيتاتك تاخدنا تفرجنا البحر من جوه بس البحر كان ضلمه والدنيا ليل ويخوف فاختي قالت انا هركب وهروح اتفرج وسابتني وركبت السفينه دي المهم انا كنت خايفه وكدت فقررت اني اركب السفينه عشان مبقاش لوحدي وركبت ووقفت كدا ع بوز السفينه من قدام خالص وبعدين سمعت ناس بتكلم ان في حد عاملي عمل ورماه ف البحر عشان انا معرفش اجيبه قمت خوفت ورجعت تاني فجاه الفندق عشان احكي لماما لقيت بنت خالي يتقول لجدتي اسماء معمولها عمل ومرمي ف البحر من عمتها عشان متعرفش تجيبه قعدت اعيط وادور ع ماما عشان احكيلها قمت لقتها بس مش بشكلها لابسه بنطلون واسه ع بلوزه واسع ورفيعه اوي وهي ف الاصل لبسها عبايات وكانت مليانه حتي مش شكلها بس انا بكلمها ع انها ماما بس هي مش شكلها خالص وبعدين صحيت

انا انسه مخطوبه وبدرس واختي مجوزه ومخلفه ومعاها بنت وربه منزل ولدتي متوفيه بقالها ٩ سنين وعلاقتنا بجدتي وخالتي كويسه الي حدا ما.
…..(تفسير الحلم العاشر).
تتعقد لكي بعض الامور ويصيبك العلع والزعر والخوف لكن تسير الامور بشكل طبيعي حاولي ازاله الشكوك والخوف بداخلك فكل شيء بخير.

…..(الحلم الحادي عشر).
حلمت انى انا وصحبتى قعدين فى مكان زى اوضه او مكان صغير كده وقعدين نشرب قهوة وبعدين مش فاكره ايه الى حصل المهم ان كان معانا بنتين تانين وحده منهم كانت بتشوف الفنجان وفنجانها كان شفاف قلبته ولما رجعته كان واضح الى جواه كان قطط سوده وعلامه الشيطان الى بتبقى فى الافلام حد شكله وحش وماسك حاجه زى الشوكه بس كبيره فنا خفت قلت لصحبتى شفتى فنجانها وحش ازاى وبصيت على فنجانى لقيته صافى قلت لصحبتى شفتى فنجانى حلو ازاى وصافى زى قلبى وخفت ومشيت من المكان ، ده ليه تفسير وﻻ ايه ﻻنى قايمة خايفة من الحلم من منظر فنجان البنت انا انسة مش مخطوبة ومش موظفة حاليا قعدة فى البيت وصحبتى مخطوبة والاتنين التانين معرفهومش ووقت الحلم كان وقت العشا.
…..(تفسير الحلم الحادي عشر).
اضغاث احلام ليس لها تفسير. انصحك بإذكار قبل النوم والوضوء

…..(الحلم الثاني عشر)
حلمت اللهم اجعله خير ان كنت مسافرة انا وصاحبتى والطريق كان حلو وساهل بس الطريق بنعيده مرتين وبعدين نزلنا وكنا بنجرى وف جمال بتجرى ورانا وانا بجرى بقولها حلو اللون الجملى ده مجبناش منه ف جهازنا واحنا بنجرى دخلنا ع مكان فيه كلاب نايمه بقول هيفكرونا خايفين منهم ويجروا ورانا راح كلب منهم خبطنى مكان العورة وصحيت كانه حقيقه .. انسة مش بشتغل.
…..(تفسير الحلم الثاني عشر).
اعدائك كثيره حياتك مليئه بالحساد والحاقدين تتعقب امورك كثيرا رغم لايوجد مشاكل احيانا اصدقاء قريبين منك يسببون الاذي والنميميه في حقكم وينالون منك اعانكي الله انتي وصديقتك ع من حولك.

…..(الحلم الثالث عشر)
انا لسة صاحية من حلم دلوقتي ياريت تفسرهولي 
حلمت اني ف عصر الرسول صلل الله عليه وسلم وانه متزوجني بس انا مشوفتوش واحنا كنا في حرب قائمة وانا عشان زوجة الرسول ربنا كان مديني قوة خارقه زي التسلق ع الجدران واني اطلع اقعد فوق السحاب كان سلاحي الرمي بالسهم دخلت قصر لاقيت فيه صحابي وزوجته بس انا معرفش اسمه اي فلاقيته بيقولي ان الرسول متفائل بيا ومستبشر خير من زواجتي وكان لي ابن بس معرفش بنت ولا ولد لانه كان ملفوف ف كتان كتير وكنا بنجهز اكل كتير عشان رايحين معركة بدر وانا كنت هحارب معاهم خرجت من القصر ومعايا السهام بتاعتي قابلت صحابي تان قالي باللغة العربية الفصحي فيما معناه انتي هتحاربي بلبسك د راح ملبسني زي صدرية شبك حديد بيلبسوها ف الحروب زمان قالي دي هتحميكي ..
بيناتي: انسه 27 سنة لا اعمل وغير مرتبطة.
…..(الحلم الثالث عشر).
ابشري بالنصر ع اعدائك ووصولك اعلي مماتتمني ورضا من ربناع طاعتك ونجاحك في حياتك الله الموفق.

…..(الحلم الرابع عشر).
انا حلمت ان بابا واقف في الشارع ومره واحده لقيت تعبان علي ضهره راح لقيت واحد قتلت التعبان ده انا مشوفتش شكل الواخد ده مشيت ببص لقيت مركب كبيره كلها اقفاص حديد لقيت عم ماما ومراته وابنه ومرات ابنه ومعاها بنت شكلها مش حلو وولد لقيتهم ماشين ولقيت نينه ماما مع العلم نينا ماما ميته من ٢١سنه انا مشوفتهاش خاالص لا ليها صوره لقيتها بتدهلي وماسكة اجة خضرا في ايديها وبعد كده لقيت برق ورعد بس،مفيش مطر لقيت صووت ست بيقولي العواصف مش راضيه عن حبك ولا عن حبيبك يا ايه
اسفه علي الاطاله 
انا عندي٢١سنه عازبه وقت الخلم قمت علي اذان الفجر بشتغل،مدرسه.
…..(تفسير الحلم الرابع عشر).
سيحدث عزاء او مرض عند اقاربك ابيكي سينجي من اعدائه يوجد امر سيعارض كل افراد العائله عليه يخصك.
…..(الحلم الخامس عشر)
انا حلمت اني فبتنا وكان صاحب اخويا الدور الخامس واخويا كان نايم فشقته فالرابع وبعدين هو بيرن ع الموبيل بتاع اخويا واحنا سمعينه فانا طلعت لصاحب اخويا عشان اقله انه نايم واديله مفتاح شقته لما طلعت لقيته نايم غ السرير ولقيت قي بنت نايمه ع السرير تاني وبصي وريا لقيت تلات بنات كلهم مس محجبات ولبسين هوت شورت وبدي كانو اخواته وسلمت ع اتنين من البنات دول بس انا معرفهمش وبعدين نزلت مع صاحب اخويا نشوف اخويا فشقته وفتحنا الباب بالمفتاح بس السلم كان ضلمه لقينا اخويا نايم ع الكنبه والشقه كانت ضلمه ونزلت الشارع لقيت البنات اللي في الشقه لبسين محترم جدابس كان في واحده لبسه عبايه بس بشعرها وبعدين كنت بقول اني بشتغل في شركه اغذيه فقسم المحاسبه واني لسه متخرجه وكنت رايحه كورس ليه علاقه بدرستي وانا واقفه ع السلم لقيت واحد فضل يبصلي جامد وبعدين دخلنا لقيت الدكتور بيقول ورني كشكول التحضر كان في واحده من البنات اللي كاتو ف الشقه كشكولها كان كويس وبعد ما شاف كشكولي قال ده احسن كشكول شفته بس الكلام اللي كان فيه كان تحضير لكورس تاني زيه واداه لولاد ينقلوا منه وانا كتت عايزه اروح عشان الوقت كانت متاخر وكنت لوحدي طلعت سالت الولد انت قدامك كتير قالي لسه كتير جدا فواحد من صحابه قالي خليه واخنا هنجبهولك المره الجيه ومشيت

انا انسه وماليش تعامل مع صاحب اخريا والبنات دول انا معرفش ولا واحده فيهم وصحاب اخويا معندوش الا اخت واحده وانا لسه متخرجه بس لسه ماشتغلتش واخويا متجوز.
…..(تفسير الحلم الخامس عشر).
دليل ع النجاح في حياتك مع وجود قليل من الصعوبات لكن في النهايه ستصلين الي نهايه الامر بنجاح ان شاءالله.

…..(الحلم السادس عشر).
حلمت انى كنت خارجه انا وصحبتى بشوفلها هدوم وبعدين قابلت مامتى وكانت عايزه تشترى خاتم فضه بس مش عارفه لمين وانا هموت ع خاتم فضه فالحقيقه وبقول لصحبتى هموت عالخاتم اللى بيبقي في فص ازرق فالحلم وبقول لماما هاتلى خاتم فضه طب انتى جايبه الخاتم ده لمين مش بتجاوبنى وبعدين اختارت واحد غالى بس مكنش عجبنى وعقبال ما طلعت من المحل لاقيت ماما وصحبتى سألوا ع الخاتم ولاقوه ارخص فى محل تانى وكانت زعلت وانا قعدت اقولها شوفتى كلامى طلع صح ازاى ابقي اسمعى كلامى لما اقولك لأ و الخاتم شكله وحش وغالى عالفاضي
انسه وصحبتى انسه.
…..(تفسير الحلم السادس عشر).
كثيرا مايفرض عليكي الامور ولكنك متمرده ع ذلك وجود امر زواج مفروض الرآي عليكي ولكن في النهايه رآيك سيتحقق اتمني لكي الخير.