أدب
(ماعدتش باكي )
هنسى خلاص وماعدتش باكي
وقلبي ماعدش هيستناكِ
حرمت أنطق عمري فداكِ
ولا هتشوفي دموعي إلا ف حلمك أو ذكراكِ
كنتِ بتسخري دايما منها لما بتنزل وقت لقاكِ
كنتِ مفكره دمعي ده ضعف ب اتحداكِ
أبدا عمره ماكان يوم ضعف ده كان قوة حب هواكِ
ودمعتي نازلة تقولك روحي وعمري وكلي فداكِ
وانتِ بقسوة عملتيه جرح ودوستِ بقوة من جواكِ
فوق أحلامي وأحلام قلب كل أماله يبقى معاكِ
لما خلاص موتِ القلب وحلف الدمع ماعدتش باكي
بقلمى فهمى محمود حجازى
