مِلْك إيديك

مِلْك إيديك

سلوى صبح 

باختصار إنتَ بالنسبة لي
ضوء النهار..
عالم عَمار..
كل الكُبار..
يعني حُبك لما عَدَّى
خطفت قلبي بكل شِدة
شغلَ استعمار..
بني حواجز وكسر جدار
كان جوة قلبي ليل نهار..
كل ده مش مرة واحدة
ده كان مقابل اختيار..
أيوة اختيار عقلي وقلبي
أحلى انتصار..
رفعت رايتى بيضة جدًا
نبض قلبي عالي طبعًا
زي قلب الصُغار..
ببراءة جدًا
سَلِمتِ لك
وبكل حُب
ندهت لك
مين إنتِ قولي؟
عشان ابقى وراك باستمرار..
عمري ما لُمت حتى نفسي
في حُبي ليك
ولا حتى عقلي قدِر يقاوم
قُصاد عِنيك
وفي المُقابِل
اشتقت ليَّا
واشتقت ليك..
وحِياة عِنيك
أنا كلي ليك
وعد وأخذته إني عمري
ما أعيش إلا بيك
بكل رجولة العالم اللي فيك
حبيت عِنيك
سلام لقلبي اللي حبك
سلام لعقلي اللي
انشغل بك
وكل ده مِلْك ايديك..