أدب
غرفة الإنعاش
الحاج هلال
………………..
العناية المركزة
في غرفة الإنعاش
هاتحصل المعجزة
ولا أحنا رحنا بلاش
هل عطلت الأجهزة
وطبيبنا راح ولاجاش
أصل الحياة مدرسة
فيها الزمن أستاذ
وكلية الهندسة
بالسانتي والمقياس
والطب مش هلوسة
وابو الكلام بكاش
ممارسة في المهرسة
واقع في وسط الناس
مش تنفع الدروشة
والعلم فيها أساس
لو عالدولاب لحوسة
يبقى الزجاج شفاف
هات للبلاط مكنسة
أصل الرخام حساس
مش حمل. للمرطسة
ولا يمشي أي مداس
لو الضمير أختشى
كان المريض أرتاح
أصل الفقير ملطشة
لو جالنا يوم أو راح
وان لقيوا فيه مصلحة
الكل ليه مداح
ولا عطلت الأجهزة
في غرفة الإنعاش
وعناية ومركزة
ولا إحنا رحنا بلاش
…………………
غرفة الإنعاش
بقلمي الحاج هلال
