أدب
قلبك سلم لي
قلبك سلم لي
بقلم/ صفيه نصار
حبيبي سلم لي على قلبك
وقوله إنك وحشتني
مشتاقه حتى وانا جمبك
لنظرة شوق من عيونك تهزني
او لمسة من إيديك تدفيني
طال ليلي وانت ناسيني
سنين كتير انا ياما اتمنيتك
واقول بكره بشوقه يناديني
حبيبي بتحبني ولا انا متهيألي
وقلبك حس بيا وامتي بقى هتشتاقلي
ولسه بتسأل موحشتكيش والشوق هينطق في عينيا واهو باين على شكلي
انا حاسه إني بقيت إنت بالملي
كل كلمه ابتديها الاقيك إنت بتكملي
حتى في طريقنا بنتقابل من غير مواعيد
ومن قبل ماتسلم بسمع دق قلبك سلملى
