أدب
أجمل مافي الكون
أجمل مافي الكون
بقلم صفيه نصار
اليوم ده كان حلو في عنيا
وانتوا صحبه ياحبايب من حواليا
وملين الدنيا مغني ورقص
وبدعي ربي اعيش وربي ويديم فضله عليا
إنتوا وجودكم في حياتي اكبر نعمه
بترد لي روحي زي النسمه
إنتوا شمسي وقمري
وابتسامة فجر تشرق
تمحي الضلمه
كنت عايزة اليوم معاكوا يستنى
ويرجع بيا العمر م الأول أنا بتمنى
وساعاته تزيد وينكتب لي عمر جديد
وقلب تاني يقدر يحضن فرحتي واتهنى
يارب بارك و احفظ وصون
دول عشانهم الصعب يهون
ويارب احفظ لك عين رجاها
وبرضاك علينا هما زينة الدنيا
وأجمل مافي الكون
