أدب
أنا واقف عالحدود
أنا واقف عالحدود
محمد عبد العزيز رمضان
أنا واقف عالحدود
أنا مش خايف يا بلدي
لو حتى كمان هموت
روحي فداكي ودمي
يا حبيبتي أنا مش ناسيكي
وبعمري أنا بشتريكي
خايف دايما عليكي
محفورة جوا قلبي
مش ناسي إنك حبيبتي
ومعايا مهما غبتي
وعشاني كمان تعبتي
أنا كلي يابلدي ليكي
أنت أجمل حكاية
دايما علطول معايا
نجمة تنور سمايا
بعشق نظرة عنيكي
ضحيتي عشان أعيش
راضيه ما بتشتكيش
حبك ما بينتهيش
بعشق لمسة إيديكي
فاكرة يا بلدي اللي فات
والليل والذكريات
شوفنا أجمل حاجات
نفسي نرجعها تاني
نمسح كل الدموع
تملى حياتنا الشموع
أنا بتمنى الرجوع
ننسى الهم في ثواني
ونقول للحزن روح
وخلاص ما فيش جروح
وبقولها وبوضوح
خليكي كمان عشاني
رغم البعد الطويل
حبك دا مش قليل
واللي يبيعك ذليل
غدار قاسي وأناني
