سلوى صبح تكتب كل اللي بتمناه أنا

كل اللي بتمناه أنا
———————
نفسي أطير بس جناحاتي مكتفة
نفسي أروح لمكان يكون فيه حتى روح
فيها الشِفا..
من كل جرح
من كل هم
من كل شئ
حتى اللي كان في يوم سعادة مزيفة..
أنا والوفا كنا اجتمعنا في لحظة صفا..
واتفقنا نكون سند لبعض
في كل شِدَّة
مهما طالت بينا المُدَّة
لكن…
في يوم بصيت لقيت الأرض بور
ومفيش بحور
ولا حتى نور
وقلوب يدوب يتقال عليها
مجرد صخور..
مع كل ده قلت في خيالي
يمكن ألاقي في وسط الضلمة نور..
عجيبه والله الحياة
مفيهاش ثوابت ظالمة
كل اللي بتمناه أنا
ألقى الهنا وسَطَ أحزان مظلمة..
يمكن أكون بحلم صحيح
لكن الشئ المريح..
هو جويا أنا..
مش شئ حقيقي لكن خيال
ممكن يكون بردك مُحال
بس في جماله بعيش أنا..

#بالعامية بقول.
بقلمي:سلوى صبح.