أدب
لسه فاضل بينا ايه
لسه فاضل بينا ايه؟
عادل علي
لسه فاضل بينا ايه ..؟؟
جاى بتدور عليه
مش خلاص
ضاع اللي بينا
وحب كان بالكون يسعنا
لسه فاكر هتلاقيني
وللا تاني هتلاقيه .. ؟؟
ما انتهينا … !!
ما انتهينا وراح زماني
كل شىء ضاع وف ثواني
وانشغلت بحد تاني
سبت قلبي للجراح
بعد عمري معاك ما راح
جاى تقوللي دلوقت انسى
جاى تطلب السماح
مش هلومك مش هعاتبك
الذنب مش ذنبك لوحدك
اه حاولت اخلص لقلبك
عمري لحظه ما رضيت ببعدك
كنت دايما فى الشده جنبك
بس انت الغدر طبعك
واللي شوفته وعشته بعدك
جاى ليه تفكرني بيه .. ؟؟
انتهينا وراح زماني
وانشغلت بحد تاني
واللى ضاع بينا في ثواني
لسه فاكر هتلاقيه .. ؟؟
لسه فاضل بينا ايه .. ؟؟