أدب
صوت الناي الحزين
صوت الناي الحزين
إيمان رضوان
شاعرة البحر
سلم علي قلبي حبه
دوقني طعم المحبة
وفي لحظة عني غاب
روحت أسأل السنين
وعيوني المشتاقين
القيه يا حبايبي فين
ليه طول ف الغياب
ضميت أوجاعي فيا
وكأني ف مسرحية
كان البطل حبيبي
وأنا واحدة كات ضحية
وفتحت روايتي تاني
وسط سطور الأماني
والعزف والأغاني
ودموعي الحيرانين
لو سامع مني صوتي
واللهفة بين سكوتي
كان قلبه القاسي يرجع
يرجع يشتاق يحن
أنا بحر بدون سفينة
وعنييه مرسي ومينا
ليه روحي تعيش حزينة
وتحن تاني ليه
لم الأوجاع يا قلبي
ليه تقلب تاني غلبي
خليني اسرح شوية
في خيال العاشقين
وتجيني تاني صورته
والقاني حاضنه ضله
في سكوته قلبي حاسه
مشتاق لي من سنين