كتب- محمد علي
أقيم ماستر كلاس للفنان سيد رجب، على هامش مهرجان الإسكندرية للفيلم القصير من داخل المتحف الروماني اليوناني، وحاورته الفنانة سلوى محمد علي في حضور مجموعة من السينمائيين والفنانين ضيوف المهرجان.
وقال سيد رجب عن مشواره الفني: تعلمت على يد أحمد العطار يعني إيه أكون الشخصية، وفي فرقة الورشة في مدرستي اتعلمت منها فن الحكي وأعطتني فرضة إزاي أكون شخصية، أنا اتعلمت في المسرح على إيدين نجوم فيه، ودايما بحاول أنفذ الذي تعلمته في التمثيل، ولما كنت بتسأل يعني إيه تمثيل مكنتش بعرف أقول إيه، لكن الحمدلله دلوقتي أنا بكون الشخصية مع المخرج وبتكلم وبناقش وبتكلم في التفاصيل وأضيف كمان تى تكتمل الشخصية.
وتابع: الممثلين كانوا بيتريقوا عليا وكنت بعمل كومبارس، لكن في الورشة اتعلمت يعني إيه تمثيل، وشاركت في ورش كتير داخل وخارج مصر، كان في مدربين من خارج مصر بيدربون، والتدريبات دي بنطلع منها بعروض في المسرح، وكان في نشاط نطلع سواء ممثلين أومخرجين، ولذلك بقول في مواهب كتير جدا محتاجين نهتم بيهم وأنا اتساعدت لأني دخلت أماكن اتعلمت فيها، لكن الجيل ده محتاج الاهتمام به.
وأما عن تقمص الفنان للشخصية، قال: يجب أن يكون الفنان واعي لتقديم الشخصية بشكل جيد خاصة من حيث الحركة والحديث، حتى تصل الشخصية للجمهور، وأنا لست مع فكرة التقمص، وهناك مدارس في هذا الشأن خاصة أن في ممثلين بيقولوا أن الشخصية بتفضل معاهم حتى في البيت، بينما أنا بمجرد ما أخلص تصوير بتخلص من الشخصية وبرجع لها لما بستأنف تصوير.
