أدب
( كأنك يا طيري غريب )
حسن حلمى
زيك يا طير الحمام
مالك وليف وافى
مهما يطول الغرام
صدقني ما يوافى
كأنك يا طيري غريب
ببلاد ولاد عمك
اسأل عليا السنين
أنا كنت يوم زيك
بعشق جمال العيون
والضحكة من سنك
ولا حد حس الأنين
ولا شال بيوم همك
كأنك يا طيري غريب
ببلاد ولاد عمك
قالوا زمان الحنين
ليزيد أنين قلبك
مالك وليف وصديق
يفرد جناحه لضلك
تحلم و تتمنى
كأنك يا طيري غريب
وحشاك حلا اللمة
كان الحبيب بزمان
يطلب ما يتمنى
تؤمر عيونه تجاب
من قبل ما نخطى
كنا
ندوس الجمر
لعيونه تضحكلي
والله
حبايب زمان
تركوني للوحدة
فاتو بعطر المكان
صورة لجنية
كأنه يفيض الحنان
بالشط والميه
ويلك
يا طير الحمام
غرقان بلا ديه
صدق
بعاشق زمان
خطى المعدية
كأنه
غريب بالديار
مشتاق حنين نيلها
يضرب
ربابه بليل
والورد يهديلها
بقلم الشاعر: حسن حلمى
