Uncategorized
مغرور
مغــــــرور
يسرا صقر
ليـــه مغــــرور ؟!
راسم هالة من حواليــك
و عيونك مش شايفة … النور
لمعة واحدة جوه عنيــك
تعكس صورتك إنت وبس
من تحتها ممنـوع اللمس
والكـــون كده
حواليك … بيدور
ليــه مغـرور ؟!
عايز الكل يجيلك راكع
أمرك أنا شبيك لبيك
ليـه بودانك ماإنتش سامع
غير تصقـيف …و اعجاب بيك
وجماهيرك واقفة … ف طابور
منتظرينك كده … بالدور
ليــه مغـــرور ؟!
ليه بتبص جوه مراية
ونـاسـى إنـت
عـايـش مع ميــــن
علشان تكمل كل حكاية
لازم ليها أبطال تانييـن
مش وحدك عايش ف الدنيا
إنت الآمر … والمأمور
ليــه مغــرور ؟!
ليـه شيطاينك بتوسوسلك
ترضى غرورك وتقـويك
ماتخليش الحب لنفسك
بسهولة يتحكم فيك
ذى الهايم … والمسحور
ليــه مغـــرور ؟!
كـَسـر حـاجز عـالى جـداً
بين الناس حاطـُه بإيديك
حِب لغيـرك زيـك دايمــًا
وإطفى غـُرورك جُوه عنيك
قرب ليهم تِـلــقى … النـور .