ليه الكذب
ليه الكذب
حاج هلال
خليك واضح زي الشمس
من غير خدعه ومن غير لبس
والنهار ١٢ ساعه
والليل بكرة زي الأمس
والأيام ليل بعده نهار
واللي يعدي ما بيرجعش
من غير خدعة ومن غير لبس
نكدب ليه ونقول ماحصلش
مابترجعش عقارب الساعه
ولا بتلف الساعة بالعكس
والأطفال محتاجة رضاعة
واللي بيكبر ما بيصغرش
كله واضح زي الشمس
من غير خدعه ومن غير لبس
والعاقل يفهم ويحس
والبني آدم روح مع نفس
ده مع ده هو الإنسان
مش لعبة و تمثال من جبس
ولا في خدعه ولا في لبس
ليه يكون الكذب ياشخص
في إنسان مش ساعده الحظ
رزقه قليل وضيق في القرش
لازم ياخد بالأسباب
مش يستسلم ويقول نحس
كله واضح زي الشمس
ولا في خدعة ولا في لبس
إياك تستسلم لليأس
تضحك على نفسك وتغش
قوم واتحرك واذكر ربك
دق على باب الرزق وخش
كله واضح زي الشمس
ليه نكذب ونقول ما حصلش
الحمار مجبول عالطاعه
والميزه فيه مابيفهمش
د الحمار لو يفهم ساعه
هايقول عاوز أرجع جحش
ده كلام واضح مابيخدعش
ولا في خدعه ولا في لبس
فرق بين الحق و الغش
الحق واحد ولا ينفعش
يتقسم بين نص ونص
له وش واحد مش ١٠٠وش
ظاهر واضح زي الشمس
ولا في خدعة ولا في لبس
القط لو تديله القمه مابيخفش
ولو ينتشها يجري يكلها زي اللص
خليك ناصح دغري وواضح
وبلاش تبقى ماشي بالعكس
من غير خدعة ومن غير لبس
خليك واضح زي الشمس
بكرة هايطلع زي امبارح
والليل برضو زي الأمس
الحب مش ينفع بالكذب
خليك صادق راح تنحب
….. ليه الكذب
