أدب
الواد بطل
الواد بطل
سلوى صبح
الواد بطل أبطال
بيقولوا كان شغال
على قد ايده نجار
أعجوبة في الإصرار..
جدع صغير السِن
بس واد جِن
بيحارب بقلب جرئ
جيش من الأشرار..
يهودي كان واقف
في حدوده ليه يخالِف؟
قاله البطل امشي
قاله منيش ماشي
عدو وجاي يخرب
في بيتي مش حاسِب..
حساب بطل زيي
والله ِما هسيبك
على موتي راح أجيبك..
بجراءة وبقوة قاله
أنا فتوة…
والموت مهوش فارِق!
ولبلدي أنا عاشِق
قلب أمه كان واثق
وطنية ورجولة
شهادته اسطورة
في جنة الشهداء
عدى حدود الوطن
وقالها بصراحة
أنا حفيد البطل
ونطقها من قلبه
بكل إيمان..
لا إله إلا الله
لا تحزني يا أمي
أنا حبيب الله.
