بطلت خلاص اكتب اشعار
بقلم/ محمود الجوهري
بطلت خلاص أكتب أشعار
وفرت ورق وكمان أحبار
مين يستاهل يقراء فى شعرى
ويحس بكل تفاصيله
لا كفايه يا قلبى بلاش تحتار
سرحت كتير بافكارى
بكتب مش عارف ايه جرالى
مشاعرى مش عارف اداريها
ولا عينى تكدب وتدارى
زمن الشعر خلاص عدى
وبقينا بتحكمنا الماده
بطلت خلاص أكتب أشعار
سيبت القلم يرتاح من وجعى
وقفلت دفاتر فيها اسرار
بكتب اسمك بين السطور
وارسم ضحكتك فى كل حوار
والليل يشهد على حنيتى
والصبح يعرف كام انهار
دلوقتى لا شوق بيغلبنى
ولا فى كلام ليكى اختار
خلاص قررت اعيش لنفسى
وامحى حكايتك من المشوار
لو جه فى بالك يوم تسال
عن واحد قلبه اتكوى بالنار
قوليله مات جوه قصايده
بعد ما شاف بشعره دمار
وعلى طيفك يا حلم قديم
مشيت طرقات
ادور على صوتك. على حلم بينى وبينه خطوات
وهعيش يومى بسكون ولا صخب ولا حتى صراخ
اخذت قرار انى ابعد
واعيش فى صمت واعيش فى فراغ
خلينى اعيش فى ذكراكى
وعينى تفضل شيفاكى
وايدى هتفضل ضماكى
وخيالى هسرح وياكى
وقلبى هيفضل منفاكى
يا حب العمر وننى العين
هفضل دايب فى هواكى
