كانت بيوت من طين وقلوب من ذهب

كتب /أيمن بحر

يريتها كانت دامت البساطه

كانت بيوت من طين

وفى الإرتفاع واطية

مليانة ناس طيبين

وفى المقام عالية

العيشة حلوة أو مرة

النفوس كانت راضية

الجار يخاف على جاره

ويسنده وقت الشدة

فيها الأصول والتقوى

والزوجة الطيبة الصالحة

الهدوم طويلة وواسعة

وياسلام على لفة الترحة

بيوت مليانة بالكرم

والعيشة كلها بركة

تزورها تلاقى الفطير

والعسل والجبنة والقشطة

الخير فيها ماليها

للغريب والقريب والصحبة

والإحترام طبع فيها

والأدب والذوق والأخلاق الحسنة

أقوم الصبح أسلم على جدى

وأبوس إيد الجدة

بيوت مليانة بالأمان

لا فيهم غدار ولا خاينة

الشرف أغلى من المال

وعزة النفس طبعهم والعفة

ياريتها دامت بناسها

ولا شفنا الزمن ده

قتل وسرقة وخيانة

ومافيش أمان النهاردة

نجيب منين راحة البال

والشر مبدور فى كل حتة

كانت بيوت من طين

مليانة بالخير والأمان والمحبة

كان فيها لمة العيلة والصحبة

الأب والأم والناس الغالية

خواطر