وصية

وصية

ابني العزيز محمود
عمري معاك ممدود
انت السند في الكبر
وعودي بيك مشدود
خليك مرافق ليا
واوعاك تكون لي جحود
كن الآ مان دايما
كن في الخصال محمود
حافظ ع البنات بعدي
خليك على المعهود
أنا كنت باخدك في يدي
وانت ف خضار العود
وندور على الحبايب
نوصل رحم الجدود
خليك مداد للشجرة
خليك رحيم وودود
إخواتك أغلى ثمرة
راعيهم بعد مني
لو روحت مش هعود
خليك من بعدي يا ابني
سعادتهم في الوجود
حاول تتعلم مني
ازاي تعرف تقود
بالحب وعقل واعي
توصل أبعد حدود
توصل بر السلامة
وتكون أد العهود
وأجمل عهد ياابني
توفيه مع المعبود
بقلم الشاعرفهمى محمود حجازى