محمود الجوهرى يكتب (نهايه القصه) 

شعر / محمود الجوهرى 

كلامك قاسى وجرحنى وما نستهوش

فقولت اسكت كانى عبيط وما فهمتوش

وكأن إلى عدا ما بينا كلام فاضى 

نستيه فى ثانيه وكانه حب فى الماضى 

ومش هبان قدامك واحد مكسور 

ولا مجروح ولا مقهور 

ويبان عليا وعلى قلبى أننا راضى

كل مره بقول ذنبى انى حبيتك 

وفضلتك عن الكل وبقيتك

وشيلتك جوه ننى العين وخبيتك

وبعت الدنيا والعالم وبعلو صوتى ناديتك

وفى الاخر تقولى سلام

 وكانى انا إلى ضريتك

كل مره بنزعل بيكون الزعل هين 

مما نقول ونعيد بيكون الكلام لين

 كل اما اقول لنفسى انسى ومفيش داعى 

تبعد عن إلى حبيته والعشره والايام 

وحضن دافى من غيره ما بعرف انام

 كلامك ليا بيفكرنى

 يقسوه قلبك وانت بتقولى سلام

 كتبت بايدك نهايه القصه 

كانى تلميذك ونهيت بيه الحصه 

بدعى ربنا انك تبقى تمام 

ولا تجيلى ولا تزورنى ولو فى منام 

كفايه عليا ذكراك إلى كت اوهام