أدب
. صباح الخير..
جمعة الجر
صباح الخير ياللى..
البدر غار منك…
يهل. النور
لو مره ضحك سنك…
يفوت اليوم هنا وسرور..
لو مره بان ضيك…
الف الكون فى جمالك..
مافيش زيك…
لك شامه على جبينك..
تزيد حسنك..
وتجرحنى سهام رمشك..
ومين ادك…
دا حتى الورد خد..
لونه من خدك…
ابيع عمرى واعيش..
لحظة هنا جنبك…
صباح الخير صباح..
نادى صباح سكر…
صباح الورد والياسمين..
صباح المسك والعنبر…
ياعود ريحان ف غصن..
جميل كما المرمر…
يا نسمة صيف على خدى..
تفوت تسحر…
صباح الخير ياطير..
على الأغصان بيغنى…
ويتمايل واتحايل على..
قلبه يطمنى…
وأتمنى أعيش العمر..
جنب عنيه اتهنى…
صباح الخير وخير الخير..
أنا عايش كدا فى جنه..
جمعه الجر
