نصيحة من أخ لإخوانه

 

 

كما نعلم ما يمر به البلد سواء الضروف الجوية أو الضروف الأخرى الاقتصادية وغيرها واغلب البشر تعبان نفسيا وبدنيا ولذلك على كل واحد من أن يمتلك ويتحلى بالإيمان والصبر والهدوء والتسامح لان البشر الذي يسير في الشارع راكبا سيارة أو راجلا ليسوا جميعهم على مستوى ثقافي واحد أو مستوى معاشي واحد وعليه يجب أتباع مايلي لتجنب ما لم يحمد عقباه :  

١- من يزاحمك أحد لأي سبب كان 

افسحلة المجال سواء چان بطران لو مستعجل.

٢- من يضرب سيارتك أحد إنزل وإنت مبتسم ، وجرّب تكلة حمد الله على السلامة وراها سولف الي تريده

٣- من تصدم أحد أول شي كلة السيارة وصاحبها بخدمتك لسبب :

اولا – توقع دائما الطرف الثاني متوتر أو مدمن أو مصاب بنكسة كبيرة.

ثانيا- توقع دائما أن الطرف الثاني شايل سلاح .

ثالثا- متهور ماعنده ضوابط وممكن مخمور. 

٤- أي أحد تواجهه بالطريق هذا مو عدو ولا يعرفك .فحاول تخلص الأزمة وإدفعها بكصبة ،لأن شلون ما تصير المشكلة إنت ماراح تربح بيها 

ويا طرف ما يستحي مثلا، السيارة مجرد حديدة تروح وتجي بس إذا بسبب مشكلة ،الحادث تفقد حياتك أو تركتب جريمة قتل فتأكد رح تتمنى لو منطي سيارتك كلها بدون هاي الحادثة اللي غيرت مسار حياتك.

٥- دائما صير إنت الأعقل والأنبل و فكر ترجع لبيتك وأطفالك مبتسم وهذه تسوي كل شيء.

ودائما نقول بالمال ولا بالعيال والحديد فدوة واللي ينكسر يتصلح ، لكن النفس اذا زهقت لا تعوض .