اسرار جديدة عن الطريقة الصحيحة لسلق اللوبيا

 كتب ايهاب ثروت

ترغب السيدات دائما فى عمل الاكلات بنفس طعم المطاعم و لذلك تحاول مرات عديدة فى معرفة سر المطعم و تعد اللوبيا من اصعب الطبخات التى تعتبرها السيدات تحدى كبير 

و انا سأقدم الكى اسرار طبخ اللوبيا 

قبل سلق اللوبيا هناك غلطه واحدة تجعلها تفشر وتفتح وتتهري منك و انا سأقول لكى كل الأسرار في حركة واحدة بس ممكن تخلي اللوبيا تستوي أسرع والصلصة تطلع لونها أحمر يفتح النفس! 🤗

لو كل مرة اللوبيا بتطلع معجنة أو ناشفة أو الصلصة لونها باهت أو بتتعب المعدة الوصفة دى ستوفر عليكي كل الأخطاء و تجعل اللوبيا عندك بطعم المطاعم وأحسن كمان

 أولًا… ليه لازم ننقع اللوبيا؟ 

النقع مش مجرد خطوة وخلاص ده من أهم أسرار نجاحها لأنه يقلل وقت النضج و يجعل الحبات تنضج بالتساوي و يساعد على تقليل الانتفاخ والغازات و يجعل اللوبيا أخف على المعدة و يحافظ على شكل الحباية ومتطلعش مهرية.

و أفضل طريقة للنقع هى غسل اللوبيا جيدا و نقعها في كمية كبيرة من الماء البارد من 6 إلى 8 ساعات أو طول الليل و ضعى رشة كمون أو ورقة لورا في مياه النقع وبعدها ارمي مياه النقع تمامًا واغسلي اللوبيا قبل السلق.

ضعى اللوبيا في مياه جديدة وأثناء السلق ضيفي بصلة صحيحة متقشرة لتساعد على امتصاص جزءًا من المركبات التى من الممكن ان تسبب الغازات عند بعض الناس و تجعل طعم اللوبيا ألطف.

 بعد ما السلق يخلص، شيلي البصلة وارميها.

وأول ما الرغوة تظهر على الوش شيليها 

 ولا تضعى الملح في بداية السلق الأفضل يكون مع الصلصة أو قرب النهاية

كيفية عمل صلصة لونها أحمر مثل المطاعم؟

حمرى بصلة مفرومة ناعم في زيت أو سمنة الى ان تصبح ذهبية فاتحة

ضيفي الثوم وقلبيه ثوانى ثم انزلي بمعلقة كبيرة صلصة و شوحيها كويس 2 إلى 3 دقائق الى ان يصبح لونها غامق وتختفي ريحتها النيئة.

بعدها ضيفي عصير الطماطم

 السر الحقيقي للون الأحمر رشة بابريكا حلوة

ولو الطماطم حامضة رشة سكر صغيرة جدًا.

و اتركى الصلصة تغلي الى ان يطفو الزيت على السطح

التوابل المطلوبة لأحسن طعم ملح و فلفل أسود و كمون و كزبرة ناشفة و رشة شطة حسب الرغبة

بعدها انزلي باللوبيا و اتركيها تكمل سواها على نار هادئة.

كيف لا تصبح مهرية ولا محصية؟ لا تقلبيها كتير. و  اجعلى النار هادئة. و لا تتركيها تستوي زيادة. و  أول ما تستوي ارفعيها من على النار. و في طاسة صغيرة معلقة سمنة أو زيت و ثوم مفروم يتحمر الى اللون الذهبي و رشة كزبرة ناشفة و انزلي بها على اللوبيا وهي تغلى آخر دقيقتين.

تحمر الصلصة جيدا قبل إضافة الطماطم

اتركى اللوبيا ترتاح 10 دقائق بعد طفي النار لتتشرب الصلصة و يصبح طعمها أحلى

 اذا كنتى ستطهيها باللحم استخدمي جزء من مرقة اللحم في الصلصة سيمنحها طعم غني جدًا

 رشة كمون في النهاية تساعد على الهضم وبتكمل النكهة

_ و كى لا تتعب المعدة انقعيها جيدا و غيري مياه النقع و اسلقيها في مياه جديدة و ضعى البصلة الصحيحة أثناء السلق وارميها بعد السلق و لا تكثري منها مرة واحدة لو معدتك حساسة

والنتيجة لوبيا حبايتها سليمة و صلصة حمراء ولامعة و رائحة تفتح النفس خفيفة على المعدة وطعم يجعل الكل يسألك عن سرها.