خلينى احبك بطريقتى

 

بقلم/ محمود الجوهري 

خلينى احبك بطريقتى

خليكى دايما ملهمتى

خلينى غرقان فى بحورك 

وحبك يكون ليا سفينتى

 عنيكى ليا تقول اسرار

 اكتبها فى حبك ليكى اشعار

انتى قدر فى روايتى 

ملكتى قلبى بدون انذار

وهعيش حياتى ليكى وبيكى 

وهفضل طول عمرى شاريكى 

ولو فى يوم تبعد عنى 

دموعى تبقى عليكى انهار

فى حبك ليا فرحان وراضى 

وحكمتى عليا كانك قاضى 

ومليتى قلبى بحب جنون 

ما أنا قلبى قبلك احساسه فاضى

ماليه عليا ايامى 

ومعاكى بكون انسان تانى 

بدعى يطول عمرك عمرين 

وتعيشى سعيده علشانى 

يا نبض القلب وننى العين 

حبك يا رونى قوانى 

ابيع الدنيا عشان خاطرك 

وفى حبى ليكى أنا انانى 

وفى سجن عشقك أنا مسجون 

وانتى جلادى وسجانى 

خليكى جنبى وما تسبنيش 

ايدى فى ايدك سندانى 

هفضل احبك طول العمر 

فى ضعفى حتى وفى جنانى

ومهما تكونى بعيده عنى 

بشوفك حتى فى منامى