الحب مش بالعافيه

بقلم / محمود الجوهرى
الحب مش بالعافيه
الحب ده كلمه صافيه
الحب ناره دافيه
بيجى من غير معاد
ومفيش بعده البعاد
ومهما بيكون شعورك
ومعانى بين سطورك
فقلوبنا منه كافيه
اسهل حاجه الكلام
من زعل كان أو خصام
واذا كان على انى احبك
فهقولها والسلام
من غير احساس حقيقى
وكله فى التمام
الحب مش للبيع
ولا قول بحب كام
والى قلبه فلوس
خسران ومش كلام
هتيجى يوم تدور
على قلب مش مزور
تتمنى لحظه يرجع
لو حتى فى المنام
الحب مش بالعافيه
ولا له أى شروط
ولا له دعوه بضغوط
ولا تقدر تشتريه
ولا له سعر وعروض
لو ما حستهوش
أنساه وما تشفوش
ولا تجرى يوم وراه
وتقول ما عشتهوش
ابعد ومن سكات
وبلاش ما تطلبوش
قلبك جميل وصافى
ابعد ما تعذبوش