ادارة نادى الغابة تضرب بيد من حديد لنصرة الروح الرياضية

كتب ايهاب ثروت 

 

قررت ادارة نادى الغابة ايقاف مدربة كرة السلة تحت 13 سنة بنات و تحويلها للتحقيق فيما نسب اليها من وقائع حدثت اثناء مباراة الفريق مع فريق مدينة نصر حيث كانت النتيجة لصالح فريق الغابة بفارق 10 نقاط و باقى على انتهاء المباراة دقيقتين ليفاجئ الجميع بمدربة فريق الغابة تطلب وقت مستقطع ليعود فريق الغابة بعد ذلك الى ارض الملعب بشكل ثانى حيث ترك كل الامور لفريق مدينة نصر و لم يقم باى محاولات دفاعية ووضح للجميع ان تعليمات المدربة للاعبات كانت تعمد الخسارة لينتهى الوقت بفوز فريق مدينة نصر بفارق ثلاث نقاط فى مهزلة رياضية و انعدام تام للأخلاق الرياضية و قد لقى هذا التصرف ردود فعل غاضبة من مسئولى و اولياء الامور و قامت احد اولياء الامور بنشر منشور لمسئولى اللعبة جاء فيه 

(( إحنا بنربي لاعيبات ولا بنعلمهم إزاي يزوّروا المنافسة؟

اللي حصل في ماتش تحت 13 بنات بين الغابة ومدينة نصر كارثة أخلاقية قبل ما يكون كارثة رياضية… 

يعني ايه فريق يبقى كسبان فرق ١٠ وفاضل دقيقتين عالماتش ياخد تايم اوت عشان بعدها اللاعيبة تنزل تسلم الكورة للفرقة التانية وتخسر نفسها ويخلص الماتش فرق ٢

ليه؟ عشان “حسبة صعود” تخلي فريق تاني يطلع!

فين قيمة اللعب النظيف؟ فين احترام مجهود البنات اللي لعبت موسم كامل وبتتعب في التمرين؟ إزاي موقف زي ده يضيّع تعب فريق كامل… ويوصل للبنات رسالة إن الفوز والخسارة مش دايمًا بييجوا من اللعب بس؟

إحنا بنتكلم عن أطفال عندهم 12 سنة المفروض يتعلموا المنافسة الشريفة مش التلاعب بالنتايج!

لو دي الرياضة اللي بنقدمها يبقى إحنا بنهدم جيل كامل قبل ما يبدأ ))  

هذا و قد امر فوراً الدكتور خالد صلاح رئيس جهاز كرة السلة بنادى الغابة بايقاف المدربة و احالتها للتحقيق