كوارث مندوبى توصيل الطلبات لا تنتهى
كتب ايهاب ثروت
تمتلئ صفحات الحوادث فى كل المواقع الاخبارية بحوادث تصادم بشعة و كثيراً ما نجد ان ابطال غالبية هذه الحوادث و السبب الرئيسى فيها هم مندوبى توصيل الطلبات بالدراجات النارية الذين يوجد كثيراً منهم لا يلتزمون بقواعد المرور ولا نعلم لماذا يفعلون ذلك في أنفسهم و فينا ؟
فأصبحنا كل يوم نرى واحد منهم على الأقل راقد ع الأرض و سيارة مصطدمه به ؟ لأنه مصمم على عمل كل حاجة غلط و هو يقود ؟؟
ندخل يمين نجدك مخالف ف وجهنا و ندخل شمال نجدك ايضا مخالف
نأخذ دوران نجدك مصمم على المرور بيني و بين الرصيف بل مصمم تمر من تحت كتفي حرفياً و عند تركى لك تمر تقوم بقطع الطريق امامى و تقف لأنك تريد ان تدخل الشارع الذى بجانبك أو خلفك
لماذا لا يوجد إشارة مرور حمراء تقف فيها؟ و تتعامل مع الموتوسيكل على أنه قدميك و تصعد به من على الرصيف؟؟ و تصعد الرصيف من ناحية الشمال و تنزل الناحية التانية من الشمال أيضا في مواجهةالسريع فتحدث كوارث!!
و انا اعلم أنك تجري على أكل عيشك بس مش كده لأن تصرفاتك دي لو في بلد تاني تجعلك ترحل على مركز تأهيل و لا تركب أي مواصلة تاني قبل التأكد من سلامة قواك العقلية لأن ما يحدث منك ومن زملائك يستحيل يكون تصرفات ناس عاقلة لأنك لو كسبت حياتك في كيس مقرمشات مش هتعمل كده!
و اكثر ما يضايق أنه عند حدوث مكروه لك ممكن تضيع مستقبل أسرتين أسرتك اللي بتصرف عليهم، وأسرة الغلبان أو الغلبانة اللي هيخبطك هذا غير ان بعد كل مصيبة أنت عاملها وتسببت في حادثة تجد كل زملائك تجمعوا على الغلبان صاحب الحظ الأسود الذى أوقعك قدامه و يقوموا بعمل شو لتحويلك لضحية
و بالتأكيد عند حدوث حاجة بتتحول لضحية الرأسمالية و يقال انه كان مثالي و بيصرف على الحي بتاعه كله وبيحضر الدكتوراه…
أعلم ان التوصيلة الزيادة اللي مضحي بحياتك عشانها صدقني ربنا هيكرمك بأكتر منها لما متأذيش غيرك وتمشي مضبوط و كفاية تصرفات مختلين على الطرق
فالطرق أساساً بها مختلين بما فيه الكفاية
