اسهل طريقة لعمل دبابيس فراخ مع الخضار.. سريعة ولذيذة

كتبت أمال فاضل
يفضل في شهر رمضان تجنب القلي قدر الإمكان، واللجوء إلى أساليب بديلة لتحضير الطعام كالشواء، أو الطبخ، أو التحمير، أو التحميص أو علي البخار
يفضل نزع الجلد من الفراخ وغير مستحب أكلها وعند شراء الدواجن أو اللحوم يفضل تركها في الثلاجة لمدة 12 ساعة للبدء في طبخها أو بعد تجميدها
طريقة عمل دبابيس الفراخ مع الخضار
المقادير: 
نصف كيلو دبابيس فراخ
3 وحدات كوسة مقطعة
3 وحدات جزر دوائر رفيعة
3 بطاطس نصف سلق ومقطعة
بصلة مبشورة ومعصورة
ماء البصل للتتبيل
1 فلفل حار مقطعة صغير
1 فلفل رومي مقطع صغير
معلقة ثوم
معلقة عسل إسود
معلقة زعتر
نصف معلقة كاري
معلقة صغيرة كسبرة جافة
معلقة صغيرة بابريكا مدخنة
معلقة صغيرة كاتشب أو صلصة
رشة قرفة، رشة كمون
ملح وفلفل إسود
معلقة زيت وزبدة
معلقة طحينة
عصير الليمون
معلقة خل،
ماء مغلي أو مرقة

الطريقة: 

يمكن استبدال الدبابيس بصدور، أوراك حسب المتوفر يفضل عمل فتحات بالدبابيس حتي تتبل بسهوله وتتشرب من التتبيلة عبارة عن  ماء البصل مع الثوم والخل ومعلقة عسل وباقي التوابل والصلصة وتترك 4 ساعات علي الأقل وتشوح في طاسة ساخنة من الجهتين وترفع وفي نفس الطاسة يشوح الخضار علي نار متوسطة حتي تأخذ لون خفيف مع بشر البصل المعصور ونضيف الفراخ وتقلب وتغطي نزود الماء المغلي بالتدريج حتي تمام النضج
نضيف الطحينة متبلة بملح ورشة كمون ومعلقة خل وثوم مفروم ومعلقة زيت وتدخل تحت الشواية 10 ق
وتجمل بالكسبرة الخضراء وعصير الليمون
وتقدم بالهنا والشفا